يــــاناس ياعالم يابشر
انتوا مستوعبين اللي صار ؟
ده الخوف خلاص انكسر
وحينكسر برضوا ..لو يبني ألف جدارْ
يـــــاناس ياعالم يابشر
انتوا شايفين اللي شايفاه
ولاَّ دخانِ الغضب ,زغلل صفاءِ البصرْ !
هو انتوا سامعين اللي سمعاه ؟
ولاَّ ضجيج الغضب ,خرم ودانكوا وحَفَرْ
الطاغي مين شالوا ؟ وقلبلوا أحوالوا ؟
من كرسي عاج وذهب ,,لقفص حديد وخشب !
بس الطريق ده طويل ..ولازمله صبرِ جميلْ
هو التفاؤل حلو ..وحلو برضوا الحذرْ
والايد معاها الايد واتكملوا المشوار
أنا عندي كلمة وبس ..كلمة بحروفِ الكون والعبرة في المضمون !
الثورة دي مش سحرْ
ولا هي ضرب جنون !
تِفعَلْ بظغطة زِرْ
واتقوله كنْ ..فيكونْ
الثورة ديه قوة.. وإرادة للتغيــر
وسلاحها ذو حديـــن ..للشر أو للخير
الثورة دي ألماظة
منظرها يرضي العين
لكن في نفس الوقتــ
معدنها صلب متين
وعَاوْزَالْها حد بجد
يفضل شايلها بحب
يِدِّي ومايستناش ,من حد شكرْ وأجرْ
دي الثورة زي الأمْ
وحضنها مفتوح
والحضن ده بستـــــانْ
والعطرِ منو يفوح
إسقيها دم وعرقْ
ودموع لحدِ الغَرَقْ
ماتخافشِ دي حتقومْ
دي عامله زي النبي
اللي اترمى في اليم
وصل لبر أمان
مينِ اللي قلوا يعومْ !
دي عاملة زي النبي
اللي اترمى في النار
وهو لحمْ ودمْ
وبرغم ده مااحترقْ !
بردِ وسلام ثورتي
من حرِ حَرَقِ الجمرْ !
نورُ ودفا ثورتي
من بردِ شلِّ الظهرْ
وسلام ياوطني سلامْ
طول مالعيون سهرانه
بتحرسك ماتنام
طول مالقلوب عمرانة
بالحبِ والأحلامْ
طول مالشفايف اسمك
بتهمسوا أنغامْ
سلام ياوطني سلامْ
كتبتها اليوم من وحي الثوراتــ العربيـــة وإلى كلِ الثوار أهديها بمن فيهم ثوارُ بلدي الحبيب الحُرْ(ليـــبــــيا)..كتبتها باللهجة المصرية رغم أني فتاة ليبية من أصول ليبية صافية ولم أحتك بإخوة مصريين حتى ولكنني ولاأخفيكم سراً أجدُ متعة في الكتابة باللهجة المصرية العامية ..أجدها بسيطة ,,موسيقية,,غير متمردة ,,محسوبةُ العواقب وقليلةُ العثرات ,مفهومة عن أغلبيــــة النــــــــــاس وأتمنى قراءة قصيدتي باللهجة المصرية على أصولها
اليوم الأحد 11-9-2011 عند حوالي الساعة 11:17 مساءاً
د: فاطمة عبد الناصر عبد السلام أحمد .. ليبيا الحرة
المفضلات