المسلمين زمان والمسلمين دلوقتى
اعدائنا زمان حاربونا –لكن معرفوش يهزمونا – لاننا كنا يد واحدة --فقرروا يفرقونا
كنا ساعتها مؤمنين ---ع الحق متوحدين --كل للى يهمنا نشر الدين-- فكان لازم يهيفونا
فقالوا مفيش حاجة غير-- اننا نموت الضمير-- فى المسلم ونخليه أسير-- وفعلا اسرونا
نشروا عندنا المعاصى-- لحد ماقلبنا اصبح ناسى --وبقا لله بجد ناسى --وعن اسلامنا غربونا
ومن يوم ما بعدنا عن الدين --واحنا بقينا مستعبدين-- من اعدائنا والشياطين-- وكل النفوس الملعونة
وبمساعدة الخونة حكامنا-- والعملاء من اهل بلدنا --دمروا بيوتنا وولادنا -- ومن نوع اخطر احتلونا
احتلونا اقتصاديا --مش بس كده ده كمان فكريا --وقريب هيبقى عسكريا --ما خلاص حكمونا حكمونا
بقينا زى عرايس خشب من بلادهم بيحركونا
هحكيلكم لإيه وصلونا-- دول بجد حطمونا --خلونا مشغولين بالدنيا --ومن اعلى قمة نزلونا
حببوا المرأة فى عالم الشهرة-- خلوها بهيافتهم منبهرة --عرفوا ان افساد المراة --معناه من عزنا يجردونا
لان المرأة هى الأمة – هى للى ضلالها يجيب الغمة – فركزوا حملات ياما عليها --عشان بفسادها يضللونا
خدعوها وقالوا فين المساواة --هى دى تبقى ليكى حياة --عرفوها ازاى تنسى الدين-- وبكده يعرفوا يهزمونا
نسوها ان ربنا نجدها --من ايد جاهل دايما يؤئدها -- وبحياة كريمة عظيمة وهبها --وفعلا نجحوا ودمرونا
وبعد ما كانت جوهرة نفيسة-- خلوها تبقى سلعة رخيصة --فى ايد تجار تافهة وخسيسة-- للى بجسمها استهدفونا
وعدوها بعربية ماركة جيب --على شرط تعمل فيلمين حب --او حتى تعمل فيديو كليب--عشان بيه يرقصونا
شوف دلوقتى الفضائيات --مليانة رقاصات --وممثلاث عاريات-- للى لرب السما نسونا
هيفونا بالماتشات-- بيجيبوها فى وقت الصلوات --ويقضوا فى التحليل ساعات --ويقولوا ادى ميسى وادى مارادونا
ووبسبب الكورة عشنا فى مهالك --خناقات بين اهلى وزمالك --يارب نجينا من المهالك --على فين بالكورة هيودونا
فتحولنا قنوات اباحية --محلية وكمان فضائية --عرفوها لكل راجل وولية --قال ايه عشان بيثقفونا
المسلم يشوف الموقع من دول – ينسى مراته ويفضى للتليفزيون-- ويقول لمراته ده انا كنت معاكى مسجون --والنتيجة طلاق ويشردونا
اهالينا نسيت الجوامع --فسابت بناتها فى الشوارع --تغرى شباب بقا منها ضايع -- وفوزى وحسن بقا فيزو وسونا
ما خلاص رفعولى الأر..... -- ومغرقين شبابنا جمايل -- ياسلام على دى عمايل-- هما وبناتهم هيموتونا
ما هو نسوا بناتهم الحجاب --وتعاليم السنة والكتاب --فكتر الزنا والاغتصاب --وجايين دلوقتى بيشكونا
دنيتنا بقت كوسة وواسطة ---مفيش قيمة لفقير واسطى ---ولا فلاح سارح بقشطة --ومهما اتذللنا مش هيرحمونا
دلوقتى حياتنا الفلوس --وسلطة عالية ونفوذ --وعلى رقبة الضعفا ندوس-- وعلى باب جهنم وقفونا
الناس مش عارفة تعيش --مش لاقية حتى رغيف العيش-- فيه فى بلادنا ويقولوا مفيش---حرام عليكم عذبتونا
الحرام دلوقتى حاجة سهلة --طول ما فيه سوسو ونهلة-- من بالخلاعة بيبقوا احلى --هما وامثالهم بوظونا
الشباب هيموت نفسه يتجوز ---مفلس عاطل نفسه يتجوز--ماشى بيافطة مكتوب عليها-- ارجوكم ياعالم جوزونا
اهالينا علت المهور ---وشبابنا منهم اصبح مكسور ---ومن يجبر له الكسور-- اهالينا بجد احبطونا
ده كله عشان سيبنا اعظم دين-- لو كنا حقيقى مؤمنين --مكنش اعدائنا الحاقدين --فى يوم من الأيام ذلونا

القصيدة قديمة باسم "عرفوا حقيقى يهيفونا "موجودة على حسابى القديم ولكن الإدارة قامت بحظره وحسابى كان بإسم أحمد وحيد اما حسابى الموجود الآن هو باسم أحمد وحيد رمضان -- وانا قمت بتعديل الموضوع واضفت عليه زيادات