بتذكرك سيدي

[الهام بدوي]

خاطرة بتذكرك سيدي
( رحم الله جدي مات بحسرته على بلده ،غريبا في عالية، وقت الحرب الاسرائيلية ،واجتياح بيروت ، احتارت جدتي أين تدفنه في الجبل ؟؟يسر الله لها جيران طيبين من الدروز، دفنوه هناك ،في مقبرة لإخواننا الدروز ، على أن ينقل جثمانه بعد هدوء الأحوال لبيروت ،،في مقبرة الشهداء .. ..ثم نسيت جدتي مكان القبر !أو سرق شاهد القبر ؟؟ لم تعد ستي تعرف ؟؟!)


بنتذكرك... سيدي ...دايما على بالي
وبتفتح القرآن .. تقرى بهاك الصوت
وبتقرى سورة ياسين ..وكمان معاها الكهف
وبترتل القرآن وبصوتك الحزنان
تتقرأ الآيات.... بالحكمة والايمان
ليلية ليلية
وولادك طاروا زمان.... وتاهوا بها الغربة
تيفتوحوا بيوتن ..... ويطلقوا جناحن
وشمسن الحلوة .....ما بتعطي ضي ولافي
وقمرن الزعلان .... ناسيهم وغفيان
عماتي وعمامي ...راحوا... وصاروا بعاد
عن سيتي ..عن سيدي
لكن قلب سيدي... عجيبة كان فرحان
ستي معاه بالبيت ... بتحصن ولادا
بتذكرك ستي .. مرة اجينا بصيف... تنشوف عمامي
عماتي شفناهم ...خالاتي وخوالي... ما أحلى لقياهم
ومرت بسرعة كثير.... صيفية صيفية
كان قلب سيدي رقيق ....وبيكره الفرقة
ووداع ولادو صعب .... وداع و حرقة
يالليل سيدي بيسهر .... وبيحكي أخباروا
وبيفتح القرآن... وبيبدأ يصلي
وهيك بودعنا ....من غير ما يعلي
صوت القلب مكتوم .. وبيقرأ القرآن ...وصوتوا بيعلي
وبيجي صبح بكير .... بيروت عم تبكي
صار الوداع قريب ... وصرنا كمان أغراب ....بيروت عم تحكي
شدوا العزم يا اولاد ....غربة و ناطراكم
وستي من بكير..معجوقة ...فرحانة
أو يمكن زعلانة ؟؟
بس جايبة كنافة 1....من نمر الوادي
وبنفطر الزعتر ... ومنقوشة الجبنة
بتزين الزيتون ...بالنعنع الريان
وصحن الفول غرقان ... بزيت من لبنان
من عيسى بتجيبوا 2
تعطينا حب وحنين .. بكفينا منو سنين
وبتوقف على البلكون... بتحصن ولادا
بتذكرك سيدي ما بشوفك يومتها
وين رحت يا سيدي ... بسألها لستي
ضحكت وقالتلي
سيدك .. هلق راح ...وبعدين بيرجع
حبيبي ما تسأل
بس انتو ....متى راجعين ..وعلينا بتطلوا
بشوق مستنين... رجعتكم الحلوة
رديت وقلتها
نحنا لوين رايحين ....من غربة لغربة
ضحكت ستي كثير... وقالتلي ما تحزن
هيدا قدر مكتوب... ما منو ابد مهروب
فلسطين بلادك
احملها بقلبك ... دفيها من حبك .. حنين وشوق وأنين ...
وهيك بترجع
قالتلي ستي كمان...
والله لنرجع
بتذكرك سيدي
تتفقد الزيتون ....وتينة مزروعة ...وبقلبي ما نسيتا
ووبيضحك الحسون ...من شوفة الراجعين
وبتزرع جذورك ... وبتروح للأقصى
تتصلي فيها هونيك... وبتعمل زيارة
بتذكرك سيدي
ملاحظة: 1 كنافة كانت ستي دائما تحضرها من كنافة نمر الوادي وهو محل شهير، للكنافة فقط (يصنعها بطريقة أهل فلسطين وهي لذيذة جدا جدا )
2: فول عيسى محل شهير جدا ..يصنع الفول بطريقة أهل فلسطين صدقوني شهادتي مجروحة لكنها حقيقة هو أطيب فول تتذوقه ..وكلا المحلين ببيروت قرب الجامعة العربية ..وبابا أيضا يعمل فول بطريقة أهل فلسطين ،،،،أو كنافة لذيذة بنفطر عليها يوم العيد ؟؟؟؟صحتين وعافية.. صدقوني لو تتذوقوا فول بابا ..مش طبيعي طعمه اللذيذ ..الله يشفيك يا بابا ...اللهم آمين ..)

[هنري منصور]

مع انني اعرف محل نمر الوادي كوني لبنانيا لم اعرف المحل الآخر
نص جميل

[نايف ذوابه]

فلسطين بلادك
احملها بقلبك ... دفيها من حبك .. حنين وشوق وأنين ...
وهيك بترجع
قالتلي ستي كمان...
والله لنرجع
بتذكرك سيدي
تتفقد الزيتون ....وتينة مزروعة ...وبقلبي ما نسيتا
ووبيضحك الحسون ...من شوفة الراجعين
وبتزرع جذورك ... وبتروح للأقصى
تتصلي فيها هونيك... وبتعمل زيارة
بتذكرك سيدي

بوح جميل شفاف عفوي وجماله في بساطته وعفويته .. ما خرج من القلب يا ست إلهام وقع في القلب .. وتبقى أوطاننا على أكتافنا نحملها حيث ذهبنا ويممنا شطرنا
لم يفقد الفلسطينيون الأمل بالعودة وما زالوا يحتفظون بمفاتيح بيوتهم ويعلقونها في صدر بيوتهم وتحتها سجادة صلاة .. لا نامت أعين الجبناء

[الهام بدوي]

سيدي الفاضل ..تشرفت كثيرا بقراءنك لبوحي البسيط ..أما محل الفول فهو عند طلعة الكولا وانت متجه نحو الجامعة ..قبل مباني الجامعة العربية في مفرق على اليمين يتدخل منو وعلى إيدك اليمين بيكون المحل ..صدقني طيب كثييييييير ... وىه من حب لبنان آه ..مزروعة بقلبي شجرة ياسمين فواحة ..... دمت بخير ...وألق دوما ....

[الهام بدوي]

بوح جميل شفاف عفوي وجماله في بساطته وعفويته .. ما خرج من القلب يا ست إلهام وقع في القلب .. وتبقى أوطاننا على أكتافنا نحملها حيث ذهبنا ويممنا شطرنا
لم يفقد الفلسطينيون الأمل بالعودة وما زالوا يحتفظون بمفاتيح بيوتهم ويعلقونها في صدر بيوتهم وتحتها سجادة صلاة .. لا نامت أعين الجبناء

سيدي الفاضل ألا تتعب الأكتاف سيدي حين تنوء من ثقل حملها ؟؟وتمضي بنا السنوات فلا المفتاح صار مفتاحا ..فهل أضحى تذكارا ؟؟؟ولا زلنا نصلي ..سيدي تعليق راق لي جدا ..وقد اكتب به بداية خاطرة إن سمحت لي ..
دمت بخير وألق دوما وتشرفت بمرورك وتعليقك ,,,

[نايف ذوابه]

ابنة بلدي العزيزة إلهام ولكِ من مسماكِ نصيب ..

أنتِ تلهميننا بهذا البوح الشفيف والإبداع يستدني الإبداع والإلهام يكشف الإلهام .. حسنًا أن تلهمكِ كلماتي أن تكتبي خاطرة .. وأسعد بها قبل أن تكتبيها .. أكيد فيها نكهة من الوطن وستبعثيها إلى هناك طيفا مبللا بالشوق للوطن تتدثر بنسماته العليلة وتتعطر بشذى الليمون والزعتر ..

شكرا لك أختي الغالية وبعد رحم الإسلام تجمعنا رحم الوطن الغالي .. لا عدمتكِ