سيدي الحب الرئيس(2)
السيدات والسادة منكم والكرام
عايشين في حضنك ياحنان
نستطعم الخوف اللذيذ
(3)
افتح لنا كل السكك
للي انشبك واللي ارتبك
واللي بكى يسهرمعك
وفي قلبه غنوة تقصدك
(4)
يا أيها الحب الوطن
انا قلبي جواك اتسجن
شفت العذاب ويا الشجن
بحلم في يوم القاك سكن
يازارع الحب الحنون(5)
الورد الابيض ليك فتون
اما الظنون السودا لأ
اوعاك تكون
ياطيبة ياارض السلام (6)
الحب تاج بلد الغرام
والانسانية ماهيش كلام
الانسانية دموع حنان!
ياحب يانيل العروق(7)
إشرب من الشمس الشروق
واياك تغيب او تنسى لو
يخضر منك كل شوق
الحب قالوا انه إشاعة(8)
فامتسمعوش الشائعات
جوة الدولاب الحب بات
بيحضن الهدمة ف شماعة
والكارهين قالوا استقال(9)
وناس تصدق اللي قال
مع ان نني الحب مال
للنور يشوف كدب اللي قال
وفاء أمين
المفضلات