يا تسمعينى
يا متسمعنيش
انما تقوليلى : اتكلم
وانت سدا ودانك
ما ينفعنيش
حرام عليكى ؟
انا وردى دبل على غصونك
من غير ما تشمنيش
ومن غير ذنب ترمينى على الارض
بعد ما كنت ورد
تدهسنى الرجلين
وانا كان بدى اعيش
ليه كدا يا ام
احنا كلنا فى الهم
واحد
والرب واحد
والمصيبة اننا عارفين
ان الساكت على الحق
يبقى من الشياطين
يا ام
انا جيلك
انا نيلك
بناديلك
احمينى من الفراعين
احمينى من الزنازين
احمينى من مدرعات
اغتالت حلم السنين
كانت سنابل خضر
كانت ملاذ للملايين
يا ام
انا نبتك
انا ابنك
انا جيل مش هيتكرر
انا جيل هيتحرر
رغم انف المستبدين
انا جيل مش هيتكرر
ولو بعد الف جيل
المفضلات