بعد ما انفض المولد

وراحت ساعات الزحام
يومها شوفنا الولد
شادد .. ايد ابنه
وطالع للامام
ماسك عليها بخوف
حاسس لسه بخوف
يا عم الوالد اطمن
راحت ساعات الخوف
.........
البنى ادميين
شاربين
كاسات الهم
بايد بعض
بس خلاص الامان عم
واللى مش هيتلم
هيطحنه البعض
........
كان الياس مالى القلوب
معشش فى كل الدروب
واللى كان مشترك بينا
هى العيوب
والسليم فينا
كان بيحاول يتوب
لكن الكروب
كانت بيوقعه مرة تانية فى الذنوب
........
الوقت بقى فى كل سكة امام
وفى كل قلب حمامة سلام
ولين فى الكلام
والف ايد تدفعك للامام
وحرية حقيقة مش اوهام
وتعظيم سلام
لثورة سلمية
ماتعملتش بالحسام
........
وكلنا ايمان
ان اللى جاى مش شخبيط
ولا تهبيط
ولا تنطيط
ولا تحبيط
اللى جاى ... تخطيط
وتفنيط للاوراق
واشتياق ... لبكرة
وساعات الامان
يلا نبنى فقد ان الاوان