عم بلحق النجمات .. وبسابق الغيمات

[الهام بدوي]

عم بلحق النجمات .. وبسابق الغيمات
يظل السؤال حائرا في قلبي ..لوالدي لجدي .. لم تركتم بلادنا ؟؟ لم لم تبق فيها ؟؟ وكأن ذاك السؤال ا.....يطرح على آدم عليه السلام !!لم أخرجتنا من الجنة !! يقول والدي هي أقدار حبيبتي ....إبتلاء وامتحان .. كنت صغيرا أصر على جدك بعدم الهجرة من يافا وركوب سفينة والسفر بحرا ..ترك بيتنا في حي العجمي ..مدرستي ..أصحابي أولاد عمي وعمتي وخالي وخالتي ..منهم من ذهب لمصر ،ومنهم من ذهب للأردن .. ومنهم من استقر به الحال بسوريا ..وصار لبنان يسكننا ونسكنه .. الرملة البيضا تذكرنا برمل يافا ..والبحر واحد .. وقريب منا ..بيروت غدت قبلة عشق نتغناها ...نلثمها خمرا ... وغربتنا غدت جمرا ... كلها بلاد العرب أوطاني .. يظل يردد .. وتبقى فلسطين ويافا .. ووو حسرة .. ويظل الوطن جنة !!فمن اخرجنا منها ؟؟يسأل والدي جدي مرة أخرى !!ويسألني هذه المرة من أخرجنا من أرضنا ؟؟ولدي .. فأرد بحسرة .. هي أقدار حبيبي ..ونعم بالله .. رضيت بالله ربا.. ومن رضي فله الرضا ..ومن سخط فعليه سخطه ..لكنها ستعود ىمن بذلك أردد كما قال جدي وأبي ....


عم بلحق النجمات وبسابق الغيمات
كلي أمل وحنين ساكن بقلبي سنين
بيفتش عليك
انت يا أحلى بلاد شو قاسية علي
حبك أغاني ولاد عم بيفرحوا بأعياد
وبيلبسوا ثيابن ...ممزوعة وعتيقة
وعيونن بتضحك ....لكن ملانة دموع
عن بكرة عم تسأل ...بحزن وقلب مفجوع
نحنا بأي بلاد؟؟
ولشو القمر زعلان.؟؟.. ما بيطلع علينا
بيجي بأي وقات ؟؟...نحنا مش صحابوا
ونحنا لشو قاعدين ؟؟...وبلادنا بعيدة... نحنا لشو ناطرين ؟؟
وشهداء ماتوا شباب... ما مسكوا منها تراب
عنها بكينا سنين... و كثير غنينا
ما بتسمع غناني ...من ستي من سيدي
وعمتي كمان بالدار عم تحكي عنها أشعار
شو صعبة يا غربة وكثير حراقة
بلدي يا حلوة كثير وكثير مشتاقة
نفسي لو إني يوم... تحملني هالنجمة
وهي تاخدني هونيك ...أسكن ببيارة
كان سيدي فيها زمان... يسكنها مع ستي
لكن عدو غدار اتفقوا مع جاري
قالوا لسيدي تعال.... ما نحنا أحبابك
هاجرمن بلادك قلبي على ولادك
عدوك الغدار ... وبيضربك بالنار
تعى لعنا طلاع .. وبقلبنا بنحطك
صدقهم سيدي وراح.... مفكرهم احبابوا
صار العدو..محتار ..... عم يكشف نيابوا
صار سيدي عندن غريب.. وضعك صعب و عجيب
قالولوا ....يا لاجيء... ماتضل عنا هون ..وما ترجع بلادك
حنية ما تاخد ...وبلادك انساها
ما في امل حتى ...في يوم تلقاها
وعنا ما في اشغال ... ودربك صعب قتال
لكن بغير سلاح ما .. تصير ارهابي
يا نجمة فهمتي شي ؟؟...تتفهمي حبابك
يمكن يجينا زمان ...ارحم من احبابي
بكرة قمرنا بطل ...وبتلحقوا النجمات ...وبيجي ياخدنا
شمس ونسيم وفي .... كلهم حبايبنا
وبترجع بلادي.... وبيضحك ولادي
اللهم آمين ....

[هشام النعال]

سلمت يداك سيدتى على الاحساس العالى والكلمات غنية المعانى
وما اجمل اللوحة التى رسمتها حروفك التى تحن الى الماضى
جميل ان تتذكرى هذه المعانى وتخاطبى به نفسك فى اطار من هذا الرقى والابداع
دمت بحفظ الرحمن

[الهام بدوي]

سلمت يداك سيدتى على الاحساس العالى والكلمات غنية المعانى
وما اجمل اللوحة التى رسمتها حروفك التى تحن الى الماضى
جميل ان تتذكرى هذه المعانى وتخاطبى به نفسك فى اطار من هذا الرقى والابداع
دمت بحفظ الرحمن

سيدي الفاضل دمت بخير وألق وانا تشرفت كثيرا بمرورك والتعليق .. واخاف ان ما حدث مع جدي يحدث مع آلاف السورييين الان والعراقين قبل عشر سنوات .. فمعظم السنة يغادرون والبلاد تمتلئ بسكان قادمون من إيران ...في العراق و سوريا ولبنان ووو.. صدقني هذا ما يحدث حاليا ..حفظ الله بلاد المسلمين كلها يا رب ورد كيد اعدائهم في نحرهم ..