كان فى التحرير

[فتحى بكر]

كان ساند رأسه فى طرف الخيمة وبياخد نفسه شــــويه
بعد قراية قصة قصيرة وفى ركن الـــدنيـــــا
طوابير النمل .. ومحـــــــــاولات سيزيف
لجل ما يتخلصوا من حمل اللقمة الناشفه على طرف الجحر
وشـــــوش القهر وازازتين ميــــه
وبواقى أصحاب هلكانة تدعبس ع الحرية
بهـــدوم شقيــــــانة .......... .. يوحا
وجيوب فضيــــــانه ............ يوحا
منقـــــــــوعه سنين وفى ريحــــــة صبر
وأمل ياســـــــــــان ............. يوحا
م الروح طلعـــــان ............. يوحا
بدمـــــوع بتروى ف فـــــدادين مــــــــر
وقلم ظبـــــــــاطى ............. يوحا
ورصاص مطاطى ............ يوحا وبترفع راسك لأجل تطاطى الدم يصـــر
قال إيه مستعبط ............... يوحا
و أنت المتظبط ................ يوحا
كفك مبتور.. على باب السما عمال بتخبط ...........يوحا
وياشر اشطر
وافتح يا رحيم ............. ....يوحا
وارحل يا للئيم ............ ....يوحا
خــــــــد راس الأفعى وخش القــــــــبر
دى عيال قناصة ......... ...يوحا
متخبش رصاصه ....... ....يوحا
ووشوش بصاصة .......... يوحا
على دم غـــــــــزال كان زى البدر
اصطادوا الضى
منشـــــــــت رئيسى بخط عريض
الرأس مالية .. خصخصة فورية
وجريدة منسية ( الشعب يريد إسقاط النظام ) ...............
والواد
المالي الدنيا بكروان صـــــــــوته ولما القطر يفوته بيضحك يضحك
يجـــــرى ويلحـــــــــق ... أخر حبة حزن فى كف أصحــابه
فيشد ربابة نزفه يغنى ...
( يا مصر هانت وبانت كلها كـــــام يوم .. نهــــارنا نادى ونهار النـــــدل مش باين
( الدولة مافضلش فيها غير شوية شوم .. لو مش مصدق تعالى على الميدان عاين
الواد
ع البحر يعــــد .. شمــــــاسى الشـــط
ويضحك ف النانانيس أم الـــــدلوعــه
مهوس من نبش الوكمن جوا ضلوعه
( بجورج وسوف )
( كلام الناس لابيقدم ولا يأخر )
عـــــايش بيلقــــط ..... كما عصافير الفجر ف قوته
ومأنجج لحظة موته .. يحايل فى الشرايين ( بأبراللازكس )
وينادى لحمـــــــو وهيمـــــــــا وبلـــو
يبنــــوا له مســــــله .. على هيئة قلب سليم ..
ويخلوا جدورها ف موج البحــــــــــر
ماهــــــــو ساعـــــة الفجر
بيجرى دموع العيله عليه
ويقوم كل دكاترة بحرى ف عز البرد
فاتفقوا خلاص .. انه ضرورى يغير طقم الشريان التاجى
ويلبس عضلة قلبه شــوية نبض نظيف
ويجرى دمــــوع وأحضان البنت إياهـا
اللى بتســــــأل رمل الشــــــط عليـــه
الواد
بعــــــــــد ما فقدوا أمالهم انه يعيش
صلح عضلات القلب فى معهد ناصر
ورجع للضحكــــــه وللمـــــــــــــوال
بيدندن..
عـــايزنى أفضل شـــاريك وأنت اللى بايعنى
طب قولى مين فى الهوى يرضى بكدا يعنى
ياما نـــاديت لك كتير تضحك وأنت سامعنى
دا الصينى لـــو ينكسر عمــــــره ما يتصلح
ولـــــو دمــــوعك بحـور مش راح ترجعنى
الواد
بعد ما داس بالمكوى .. تي شيرتــــه ..
قميص والده .. وطرحة أمه السمــرا..
بيمد .... دراعه ويقطف رطب الجنـــــــــه
ويسلم روحه لنجيـــــــلة التحرير
بعد ما يتشهد ويودع كل اصحابه

فتحى بكر
( الهى انى يتيم بدونك .... )