سوريا ما بتركع ..إلا لخالقها
سورية رح ترجع
آذار عم يبكي وبيحكي أخباروا
ورداتوا عم يشكوا شو سو برداتو
ماتت ورود حماة
الجوري والياسمين
لحقها فل الشام
وشقائق النعمان
بحمص والشاغور
قالوا ما ضل انسان ببلاد زعلانة
شابت ....وولادا صغار
بالت على ثيابا
يوم الأربعاء 21/3/2012م
قتلوا العيلة كمان صغارا وكبارا
بكرم هالزيتون
ولا بباب سباع
والخالدية بتقول
لا لالاما بنركع
**********************
حرقوا طفل خوفان
رضع بحضانة
قتلوا ا وقطعوا المي والكهربا طفت
حرقوك سورية
وشردوا ولادك
تاهوا وسكنوا خيام
في بلاد عم تبكي
يا شام شو اللي صار
آذار ما بيحكي
سكت يا آذار
مثلي صرت محتار
شايف شو يا اللي صار
ببلاد كلا ربيع
كنت الربيع فيها
زهرك وورداتك
والمشمش الريان بيعانق الرمان
وتوت شامي كمان
وبيقشع العميان
عابلاد كلا خير
كانت زمان بلاد
وولادها ثاروا
وبوجه هالطغيان
قالوا مافينا نعيش
ظلم وقهر وحرمان
وطلعوا بصدورن
عريانة ريانة
وبوج مدفع وجيش
كتبوا على ورق ابيض
بنريد حرية
ما عاد بدنا نعيش
عبيد منسية
******************************
ولدت معاهم ثورة
بالعز مكتوبة
وولادها حلفوا بعزم
ما يرجعوا بيوتن
تيحرروا ببلادن
من خوف ساكنهم
وحش وغول وذيب
خلطة عجيبة كتير
وبتسمع صواتن
اناشيد وغناني غرام
لبلاد مزروعة دم
بعيون احلى شباب
سورية يا احبابي
**********************
اطفال من درعا
طلعوا وقالوا خلاص
تهنا وضعنا زمان
ما عاد رح نرجع
يا سجن صرت بستان
وآذار عم يضحك
زهر شباب الشام
بحماة وحمص والدير
وشقائق النعمان
في إدلب الحرة
واللاذقية نادت
يا حلم يا احرار
آذار صار يغار
من انة المسجون
من دمعة المحروم
من بسمة شهيد وحي
********************************
نجمة هداك الليل
طلعت وقالت خي
قوموا يا احلى ناس
سوريا مزروعة وبقلبي محفورة
سوريا عم تكبر
كبر هالكون الكبير
صارت شمس وضي
ضوت ظلام الليل
والسجن اللي كان ببلاد
مرسومة سوريا
صارت بلادا شمس
وجبينوا مرفوعة
والله لنتحرر
والله لنرفع يوم
رايات عزتنا
ونضو شمعتنا
ونقول بعد سنين
كثير عشناها
عشرين مع عشرين
والله وحسبناها
والله ليجي يوم
ونركع الظلام
وتنام يا بشار
مع اللي ناموا هناك
وتقول يا بشار
لقاضي ثورتنا
حاضر انا موجود
مهزوم ومعفن
جوا بسجن صغير
سوريا يا حب كبير
سوريا رح ترجع سوريا رح تقشع سوريا رح تسمع
حرية حرية وبسمة مرسومة
عاوج طفل صغير
سورية رح ترضع
عز وكرامة وحب
من ناس عشقوا كثير
حبات ترابا
سوريا ما بتركع
إلا لخالقها
رد مع اقتباس
المفضلات