أنــــــا وهو وهى
(*)
خللى الريح
تدق بابــك و بابي
إيه نفعت أحبــابى
أربـــابك وأربــابى
ومن يومى أنا وأنت
مالناش ولا بيت يأوينا
قوم خبى نفسك في هدومك
وسيبنى ساكن في هدومى .
(*)
البحر المالح من أملاكى
ونا فى عز لهفة لقـاكى
رميت فى البحر شباكى
ماطلعشى صيدى سمك
وماطلعشى صدف ولا مرجان
كان اللى راقد فى البحر جسدى
(*)
مين طخ النار على حلمى
وولع فى المكانْ؟ وحاصرنى
من دقَ باب سكينتي
وأجَّجَ الأحزانْ؟
لأجل مايلهيكى عنى
(*)
غنيتى ع الوتر
من كل الإيدين مشدود
غنيتى ع اللى اشتريته
غنيتى ع اللى بعته
غناكى الشجى سمعته
من ورا شبابيكى ميت ترباس
كفياكى غنا بأحساس
وخلينى ألحق الحلم
(*)
النار مابين ضلوعىِ
والشِعر فى مواكب نور
على ضفاف المسير
وإيديّ بتقطف م العبير
مستنظرين مراكِبك
البعيده
(*)
ياسكة طريق عمرى
تعبتى الروحَ والبدن
واستنزفتى منى الذاكره
مدى لي كفينك
شدينى م الريح
جايـــز أستريح
وتلتئم إئـدامى من العثـره
المفضلات