نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


يوم الصيام
كان الكلام
صمت وهيام
ما بين صلاة
وبين قيام
وآيات بتتلي
في القلب طالبه المغفره
والروح تهيم
لرب كريم
عاشقه لتوبة ربنا
مرت ساعات
ظهر وعصر
وصلاة تقام
وتلاوة دايما قائمه
حان الفطور
وجاء الآذان
وفرحه بالقلب غامرة
بعد صيام
تمرة وكوب
من الحليب
كانوا هما زادنا
وشربنا
قمنا لصلاة
وأدينا فرض ربنا
وجلسنا بين كل الحبايب
نفطر ويكمل فرحنا
ببسمة طله
وضحكه هلا
وحب غامر قلبنا
بعد الفطار
شربنا شاي
وقهوه بهيل
وحلوي جميله مشكله
حكاياتنا كانت
عن ذكريات
سنين حياتنا وعمرنا
وايام ما كان
جدي وعمي
وامي اللي رحلت عننا
وحضن دافيء يضمنا
صوت الآذان
ينادي الأمام
يا موحدين ربنا
حان الآوان
لصلاة العشاء
أحسن وضوء
وأجمل ثياب
فيها نقابل ربنا
بعد الصلاة
نادي الأمام
بعد الآذان
قمنا نصلي كلنا
تراويح تقام
واحنا قيام
شفع ووتر
كان الختام
ومشينا نسعي لرزقنا
مرت ساعات
وسحورنا آت
أكل خفيف
لكن ظريف
وفجر شريف
نوينا الصيام
وقمنا نصلي فرضنا
بعد الصلاة
وقبل المنام
كان الختام
وحسن الكلام
قرآن كريم
وآيات تنور قلبنا
شق الصباح
وضوءه لاح
قمنا ننام
ونام الكلام
في حضن الصيام
وخدنا نومنا لحلمنا
وبدايه تانيه
ليوم جديد
يقبل صيامنا ربنا
ويكون شفيعنا
يوم الحساب
وفي حوض نبينا يضمنا
نشرب معاه
شربه هنيئه دائمه
وكل عام وانتم بخير
ويعيده علينا كلنا
ويتقبل صيامنا ربنا

جيفارا