شال الحمام 00
شال الحمام 00
حط الحمام ف قلبي
وعلي كتفي اليمين
زي نور الصبح
برد وسلام
فشربت أنا قهوتي
من عنيك فنجانين
نظرة هوي من غير كلام
زي غناوي العشق
للعاصفير
لها ضحكة ساحرة
متلحنه أنغام
لو تعزفيها
يبان ف خدود الورد
غمَّازتين
*****
قام قلبي طار
ف الفضا حيران
من نشوته، زقزق
و قرب نحيتك
شاف بسمتك
احتار يروح فين
لرمش عينك النايم
بين كحلتك
ولا لغصن خدودك
اللي من ضحكتك
طرح وردتين
****
فرد قلبي جناحه
وحضن ندي نسمتك
لمح الأمل والنهار
ف طرف عينك
حبة خجل
علي شوق وتنهدتين
شدين شراع مركبك
كما مجدافين
أنا قلبي طار
تاني ناحيتك
قلبك فنار
أشواق ونار
ساحرة مهجتي
من نظرتين
بقيت أسير الهوي
محبوس في نن العين
شال الحمام 00
رد مع اقتباس
المشاركة الأصلية كتبت بواسطة الشربينى خطاب
المفضلات