فتُّوا الورق ..ورقا إلو وْرقا إلُن

[زاهية بنت البحر]

قبلْ لحظاتْ كانْ عمْ يلعبْ مَعُنْ
عمْ يضحكوا
وعمْ يمزحوا ويْسَايرُنْ
فـَتـُّوا الورق ..مَرَّا إلو ومرَّا إلُنْ
والحظ مرَّا يحالِفو
ومرَّاتْ كانِ يحالِفُن
لكنْ ياعمي كانْ دايخْ والعيونِ مْزَغْللي
شِربانْ حتَّى مِسْتِوي
ودمُّو بشريانو ياعيني كانْ عَمْ يغلي غلي
وهاكِ البنيه الواقفي قدامو عمْ تلعبْ عليهْ
كانتْ نذيرِ خْسَارتو منْ قبلِ ماينفِّضْ إيديهْ
ملايين حطَّا بفرْدْ قعدي بهالمسا
والعقل فَلِّ وطارِ من كتر الأسى
ومن حسرتوهاجِ وصَرْخ
هاتو المصاري كلْكُنْ غِشِّ وْوَسَخْ
لكنْ عصوتو الحَدِّ قاموا تعرَّموا
بوقفة تحدِّي بالكِبِرْ
والضحكي عاشفافُنْ شبر
وهوي بحزنو رَاحِ يطقِ من القهرْ
هاتوا المصاري
روح بلِّط هالبحرْ
بدي المصاري
روحْ بلِّطْ هالبحرْ
هيدي المصاري موإلي
اسرقتا من خزانةْ هلي
ولك روح
روح
لازم بقى هالروح من صدرك تروح
وبتكِّي وَحْدي من الفَرِدْ
سَلَّمْ ياعيني الرُّوحْ

شعر
بنت البحر