مرسال


تلاقيتها ..
حاملة دمعتها فإيدها..
ووشم الأسى واضح فالعين..
مهما تحاول ..
خزناه ..
مستورة في حجاب بإسم الظرف..
عرفناه..
سألته مالها ..آش غير حالها..
واش من طريق هي..
قاصداه..
قالت جوابي باين في عيني..
خده فهمني وحاول..
تقراه..
خذيتو لقيتو مرسال في..
ورقة بيضاء بخط واضح ..
كاتباه..
بادياه بإسم الله ..
وبرسم وردة حمراء وحمامة..
خاتماه..
مكتوب فيه أنا الكرة الأرضية..
ضاعت طيوري ..ضاعت زهوري..
وجوي الي كان زين..
محلاه..
مال بني آدم كثر الهم والغم..
واجعل حمام السلم خاصم..
سماه..

مصطفى طالبي ا لإدريسي