حبيبى .. آه .. حبيبى
آه آه آه لو ترجع حبيبى
آه لو ترجع حبيبى
ترجع الأيام معاك
ترجع الأحلام معاك
فيها ايه لو لمنا
بعد اللى راح مننا
يلمنا
تانى حبيبى
عشِّنا
راح الزمان راح
وراح معاه كل الجراح
وبقيت حبيبى
انت وانا
راحوا اللى ظلموا قلبنا
راحوا اللى جنوا على حبنا
فيها ايه
لو ترجع حبيبى
نقضى اللى باقى فعمرنا
يمكن الايام تسامح حظنا
وتضحك لنا
يمكن المية اللى جفت من سنين
ترجع وتروى شطنا
يمكن تعود الطير ترفرف
لما تعود
والزهر يرقص تانى
على خطونا
نفرح .. فيها ايه لو نفرح حبيبى
الفرح زى ماهو لغيرنا
بردو لنا
نجرى ونسبق ظلنا
ننسى اللى فات من عمرنا
نبدأ مع صوت الأذان
فى الفجر صحَّى عمرنا
يوم من جديد
كأن اول مرة نتقابل سوا
انت وانا
لسة فاكر لون الكلام على خدنا
لون الخجل من حبنا
لون القمر
ايام ما كان بيتلون لنا
فرحة نجوم السما
لما تسهر زينا
لما تحمل سرنا
لسة النجوم بتطلع
لسة القمر
لسة الخجل على خدنا
حتى ولو مر الزمن
احنا الزمن
نقدر نكون أطفال صغار
نقدر نكون عواجيز كبار
كل الحكاية اننا
نضبط عقارب قلبنا
ارجع سنين
ارجع ويرجع عمرنا
هانعيش لبكرة
وبعد بكرة
لحد آخر عمرنا
هارجع اقولك تانى
كل الحنين والشوق
كل الأغانى اللى غنتها الطيور
من أجلنا
ماتقولش راحت علينا
جرب تعيش الليالى
اللى اتحرمنا منها
ومن حبنا
جرب تعود تانى صغير
جرب نعود
من نفسنا
الشمس ما كبرت
ولا شاخت ليالى القمر
والنجمة ما صغرت
ولا خلصت ليالى السهر
نقدر نكون
اسعد من الناس كلها
صدقنى حبيبى
وارجع
أوعدك
أنا أدها
المفضلات