لو بإيدى
كنت خدتك بين رموشى
كنت أبعت طير يغنى
ويحكى حبى
كنت ألضم نجمة نجمة
فى عقد ليكى
لو بإيدى
كنت أفرش ليكى
قلبى بالورود
كنت أبعت لك سحابه
شايله شوقى
كنت أشغل من عروقى
شال عليكى
لو بإيدى
كنت خدتك فوق جزيرة
كنت جبت البدر
يحكى لك حكايتى
كنت قولت بأعلى صوتى
انتى حبى
لو بإيدى
كنت أعشق كل نسمة
تشوف خدودك
كنت أسقيكى فى كاسات
قطفة محبة
كنت أخلى الشمس تشهد
ع اللى بيا
لو بإيدى
كنت أشيلك من وريدى
كنت أجيلك لجل ما ادفن
روحى فيكى
كنت أركب ريح تاخدنى
لنور عنيكى
لو بإيدى
المفضلات