شعاب ابي طالب

**عبد العلي فيلالي بالحاج** · 03/01/2009, 06:36 PM


	ملي توقف الدمعة على حافة لحداق ملي تولي اللقمة غصة وخا الجوع حراق تطلع التنهيدة والصرخة من اعماق الاعماق تقول شكون يمد خوتي من الزاد بقراب عندي خو جربوه وهو ماشي مجراب بين صفيحة ومسمار حطوه ديبوه وتجمعوا عليه كلاب بقى سؤال على لسون لحرار حتى حد ما لقى ليه جواب يلوح فكل صدر النار بركان من لحزان ولعذاب يقول لشي قومان رضاو بالذل وبالعار امتى يا قوم يجي وقت لحساب بغيت نغمض عيني على صورة اختي وامي لقيتها غطاتها حمورة صورة ركبت صورة فديار كانت يوم معمورة شعاب بو طالب باش تكمل الصورة لعقل معقود بسلاسل الطمع والسبع لي كان سبع ولا بالكذوب منونخ ضبع بوجهل مطلوب مرغوب كلشي مقلوب ارا غير ما يجمع الجوع المرض والطيارة تعصر الدم عصارة ما تغطيه نشارة ولاحرقة لمرارة الكحط وميات شرط وشرط والزلط فوق مطمورة الزكارة والرزق ايلا رضا بو جهل بالقطارة خسارة الولاد وميات خسارة