أخي محمد أسامه البهائي
كل الشكر لذائقتك وحسن اختيارك
رائع ما اخترته لشعراء مصر الحبيبة
بارك الله فيكمن يشرب من مية النيل يرجع لها ثاني
وانا شربت من ميته والله وارواني
مصر الحبيبة بجد فيك الوفا والحب
وفيك الأخوه سلام ما يشبهك ثاني
خربشات من القلب للغالية مصر
كل التقدير لك
أختك
ينابيع السبيعي
الأخت الفاضلة الكريمة ينابيع السبيعى
أهلا بك على متصفحى بالجمعية الدولية للمترجمين واللغويين العرب
وهنا لا يسعنى إلا أن أقدم لك أحر التهانى لزيارتك الغالية لمصرنا الحبيبة
وأقدم وافر شكرى وتقديرى لمطالعتك الكريمة لهذه الأشعار بالعامية المصرية
تقبلى كل الود وكل الأحترام
محمدأسامة
السلام عليكم ورحمة الله وبركاته
شكرا للشاعر المتألق / محمد أسامة
على هذا الموضوع القيم الذى جمع نخبة من اجمل الشعراء
واسمح لى أن اشارك بنص من أعمالى المتواضعة
ولك مودتى وتقديرى وباقات الزهور
______________________
سكوت ح نصور
كلاكيت
اكشن اول مره
سنانير بتغمز فى الممنوع
وشراع المركب مخلوع
ودراع القبطان مقطوع
فى البحر أغانى الفيديو كليب
سودانى ولب
تايهين فى ستاير حمرا
وازايز بيره وخمره
الموج شايل مايوهات
ع الرمله فخاد ونهود ستات
وحاجات مالهاش لزمه
الرقابه حذفتها
stop
سكوت ح نصور
كلاكيت
اكشن تانى مره
شباب جايين طايرين من ركن الكون
واخدين تصريح من مونيكا
لحماية النجمه الساقطه
فى الهيش العربى
stop
سكوت ح نصور
كلاكيت
اكشن تالت مره
سرطان الأوسط بيزيد
كلاب بتبيد حكام وعبيد
جنازات النمل طابوووووووووور
على باب الاقصى
الموت بريموت
الزيت مشفوط
خنازير بتحاكم برغوت
غرقنى طوفان الدم
وسحبنى الهم لقعر الكون
عفاريت اعلام طلعت لى
غنت لى
فرفش أربع عفر
خلى همومك تتشفر
عبى الجردل من اوجاعك
فضى دماغك
وارمى الجرد ل بره الكون
stop
سكوت ح نصور
كلاكيت
اكشن رابع مره
فتحت دماغى
نطت اوجاعى فى حجرى
قروض ميسره
صناديق سوده بالصودا
قرارات مدفونه فى لحد
اتنين ــ اربعه ــ اتنين
كراتين لحوم مستورده
م البوسنه والشيشان
وبلاد كتييييييير
ماركة << لا اله الا الله >>
كرتونه انفجرت من غزه
سقطت اشلاء على عضم من البصره
وكبد وقوانص اطفال
stop
سكوت ح نصور
كلاكيت
اكشن خامس مره
عيون الدنيا معصوبه
والكفه مقلوبه فوق السكوت
والصمت موت
الموت بيسقط م الاباتشى والكروز
الارض احمر فى روز
الجثث زى الكازوز من غير تمن
العز ـــــــــــــ وز
تحت بيادات المارينز
تروس بتفرم البشر
فى الشوارع فى المساجد فى البيوت
الصمت موت
stop
عفوا
نلتقى فى الغزو القادم
ـــــــــــــــــــــــــــــــــــــ
نشر هذا النص
بجريدة اخبار الأدب المصرية منتصف عام 2006
محمد فتحى السيد
مدونتى
http://mfa3.maktoobblog.com/
المفضلات