بلاي استيشن
[CENTER]
[/بلاي استيشن
وبلاي استيشن عامل ....... زي الأفيون في دماغك
دايمًا ع السَيْبَر داخِل ....... موش شايف مين قدامك
ولا سامع صوت بجلاجل ..... علشان قفـِّلـْت ودانك
موش شايف غير اللعبه ....... إللي بتلـْعَبها يوماتي
ــــــــــــــــــــــ
بترُوح السَيْبَر بدري ............ وبتقعُد زي الطوبه
شغـَّال في اللعب السِحري .... بتحرَّك ف المخروبه
تـُنـْكـُت في الشاشه وتِهري .. علشان تِكسَب دي النوبه
تِتحوِّل تِبقـــىَ الدِبَّه ............ من طول القعده ليلاتي
ـــــــــــــــــــــــ
م الصبح لحد السهره ......... قاعد في السَيْبَر ساكِت
ما بتنظر حواليك مرَّه ......... لو حتى قيامه وقامِت
ولا تنظـُر بس بنظره ........ إن كان المخاليق نامِت
يقولولك إرحم حبه .......... فترُّد تقول دي حيــاتي
ــــــــــــــــــــ
تِرْجَع للبيت مِتـْخشـِّب ...... تقعد تاني على جهازك
لا بتِقرا درس وتِكتِب ........ واجب كان من أستاذك
وف مدرستك تِتـْهـَبـِب ......... تِتدارَىَ لو جه عازك
وتلاقي الأسئله صعبه ........... تِعمِل زي القـُرَداتي
ــــــــــــــــــــــ
ليه الإدمان يا ولادنا ........... ليه أوقاتكـُم مهدوُره
ليه نتهد بأمراضنا .............. ونشوِّه ليـه الصوره
داانتواللي هتِبنوا بلادنا .... وتزيحوا صوّر مكسوره
وبلادنا تصبح شابه .............. وفناره تنـّوَر ذاتي
ـــــــــــــــــــــ
دي الصحه يا ناس بالحركه ... مِحتاجه لِعْب رياضه
والسعي لرزقك بركه ........ خليـــــه من حُكم العاده
وتزيح عن كِتفك تِركه ............. بزياده قوم بزياده
دا السَيْبَر أصلـُه خرابَه .......... هيدمركـُم يااخواتي
****************
]
رد مع اقتباس
المشاركة الأصلية كتبت بواسطة الشاعر لطفي الياسيني
المفضلات