الغيبــــــه
إن جبت سيرة زميلك من وراه غيبـــــــــــه
وان قلت عنه كلام سيئ فدي خيبـــــــــــــه
وان كان ف غيرك عيوب هتلاقي فيك عيبه
دا اللي بيغتاب ف غيرُه يبقى كل لحمُــــــه
ميِّت ويبقى عمَل في عُرْفِنا مصيبــــــــــــه
ـــــــــــــــــــــــــ
فيه ناس بتوْصِم خلايق غيرها بالبُهتـــــــان
وبعد فترة تكون سِيره ف كل لســـــــــــــان
ويخشـُّوا بالشكل دا في زمرة الشيطـــــــــان
يبقوا جنــُـــــــــــــــــودُه بيبعتهُم بأوزارُه
ويوزعوها ذنوب شالها بني الإنســـــــــان
ـــــــــــــــــــــــ
ويخـُشـُّوا بيها هناك ف جهنم الحمـــــــــرا
والجـِتـَه فيها توَّلع تبقىَ كالجمـــــــــــــــره
علشان كلام اتنقـَل ع الغِير ولو مـَــــــــرَّه
حسَنات تضِيع بعدها تِيجي ذنوب وذنــــوب
تفضل معاهم رصيد في عالم الآخـْـــــــره
****************
المفضلات