بسم الله الرحمن الرحيم
تضامنا مع الشعب المصري الشقيق كتبتها بالعامية المصرية


إرحل عنا
يالله وحــِلْ
ده مطلبنا
بــُعدك عنا
هو لوحده ... هو الحلْ
ماتقولش لاكاني .. ولاماني
ماتقولش همومكم وجعاني
إحنا شبعنا خلاص م الكدب
مش حنصدق أبداً تاني
طول ما الرايه في إيدي وإيدُه
طول ماأيدينا في إيدين بعض
مش حنفرط في الحرية
ولا حنفرط في الوطنية
وحدة إنسانــّا والأرض
أنت الذنب اللي في حياتنا
مالناش ذنب ، وحياتك غيرك
شرّك جانا
عاش ويانا
خيرك شرك.. شرك خيرك
كله محصّل بعضه .. بلاوي
زفت مساوي
... يعني يلعن أبو دي السيره
نطلع من حفره لضحضيره
إنت الذنب اللي في حياتنا
انت اللي مطهقنا في عيشنا
طالع واكل
نازل واكل
خارب بيتنا
خانق برجالك رقبتنا
إرحل ياالله ياحسني وسيبنا
ياالله كفايه
شفنا المر ودقنا الويل
شفنا الليل يجري ورا ليل
دقنا العيشه المره العكره
سكر يوك.. ولاحبة هيل
علشان يامبارك أحبابك
ماسابوش حاجه
ولامحتاجة
دقنا المر وطفح الكيل
طالع بتقول أي كلام
بتقول للشعب وتشكي له
يعني جايب الديب من ديله؟!
دا كلام فاضي
كل الشعب دلوقت القاضي
قال لك كلمه
وحده ... كفايه
أنا مش راضي
أنا مش راضي
وادينا بالصوت العالي
مش بالهمس
بنقولها لك ...
بنقولها بيضا ومجليه
زي الشمس
ممنوعه من حذف ولمس
محفوظة بالروح ... بالرب
بنقولها من جوا القلب
مش عايزينك
مش عايزينك
إرحل عنا ياالله وحــِلْ
ده مطلبنا
بُـــعدك عنا
هو لوحده
هو الحل .


كمال محمود علي اليماني... عدن ... اليمن