من واحنا كنا صغيرين
الحق كان صاحب لنا
ننده عليه يرجع لنا
ويجيب لنا من اي ظالم حقنا
الحق كان بيحبنا
واحنا كمان حبيناه
لعبنا معاه وغميناه
من يومها واحنا بنندهه
إرجع ياحق
خلاص ياحق؟
يقول لنا لسه
خلاويص ياحق؟
يقول لنا لسه
لسه ولسه لمّا تااااااااااااااه
أوي عننا
الحق سابنا لظلمنا
نظلم ونقتل بعضنا
ونستخبى في جلدنا
لكنه لسه في قلبنا
عايش معانا كلنا
ملامحه ساكنه في وشنا
بننده عليه
إرجع ياحق اطلع لنا
الحق لأ ماهوش عليك
حقك علينا كلنا
صَدقنا خوفنا وكدبنا
ونسينا أنك حلمنا
إرجع ياحق كفاك بقى
واروينا من ُحب الشقى
إرجع بقى إرجع بقى!!
وفاء أمين
عضو اتحاد كتاب مصر
المفضلات