محمّد الإسلام
ياشمعه فى الظلام بتنوّر لى الطريق
ياروح الإبتسام وياطوق الغريق
محمد الإسلام ياأجمل الأنام
بارفعلك الصلاه
وابعتلك السلام
يا روعة الختام
* * *
العمر اللى بدا مع رقة الندى
والمركب اللى تايه إلى الشط اهتدى
للنور وللسلام وحلاوة الكلام
والكون لحن المحبه وكل الناس أحبّه
تمللى ع الدوام
محمد الإسلام يا أجمل الأنام
بارفعلك الصلاه
وبْعتلك السلام
يا روعة الختام
* * *
أنا رحلة زمن وإسلامى الوطن
ولحظة الصلاه بتهدهد الشجن
يافرحة الحزين حرية السجين
يافوق كل الكلام
محمد البديع رسول إلى الجميع
بيهدى للربيع برقة الرضيع
وفرحة الابتسام
محمد الإسلام يا أجمل الأنام
بارفعلك الصلاة
وبْعتلك السلام
يا روعة الختام
* * *
الله يا نبى محمد مطلبى
الله يا نبى محمد مذهبى
فى نورك يانبى
ما بنخاف الظلام
يا محلا يوم لقاك لما نشاهد بهاك
ويسعدنا ابتسامك ويفرحنا ضياك
يا حُضن للجميع دُعايا للسميع
انى اشوفك قوام
محمد الإسلام يا أجمل الأنام
بارفعلك الصلاه
وبْعتلك السلام
ياروعة الختام
المفضلات